Naalala ko pa noong una kitang nakita sa loob ng isang simbahan. Ikaw
ay may kasamang maliit na bata. Ang batang iyong kasama ay kahawig mo.
Napaka-ingat na ito ay inaalagaan. Mabuti na lamang ito ay iyong kapatid. Nang
mga panahon na iyon ay nabuhay ang natutulog kong puso. Hindi ko alam ang
gagawin ko noon. Lalapitan ba kita at magsasabi ng kamusta ka? Katulad ng mga
nangyayari kapag ako ay may nakikitang magandang babae, umiiwas na lang ako.
Lagi akong napangungunahan ng hiya. Lagi akong nilalamon ng aking pagiging
torpe. Alam mo Bb. J, masayang - masaya ako kapag nakikita kita. Lagi nga akong
excited kapag may gawain na ikaw ay kasama. Ang masilayan ka lang ay
kotang-kota na ako. Kapag lumalapit ka na, bumibilis ang takbo ng puso ko.
Grabe! Ang daming naglalaro sa isip ko. Ano bang una kong sasabihin,
mangangamusta o dapat ba tungkol kay Lord lang ang itanong ko. Hindi ko talaga
alam ang nasasabi ko kapag magkakausap tayo. Lagi kong iniisip kung tama ba ang
aking nasabi at sinabi. Kung minsan bigla ko na lang masasabi sa sarili sayang
naman. Iyon lang ang nasabi ko. Hanggang sa pagtulog ko ay natatatak sa isip ko
ang mga kwentuhan natin kahit ito ay maigsi lamang. Kapag nga sa tuwing ako ay
nalulungkot, inaalala ko na lamang ang mga sandali na tayo ay magkausap.Pero
masaya na ako noon. Kung baga eh wala pa ang mensahe ng Panginoon eh blessed na.
Laging ganyan lang naman ang eksena sa tuwing magkikita tayo. Tila ayaw ko
ngang matapos ang araw sa tuwing ikaw ay makakasama sa isang gawain.
Lubos akong humanga sa iyo. Maraming magandang babae akong nakikilala
pero hindi mo katulad. Hindi man kita ganoong kakilala at katagal na na kasama
pero alam ko na ang buhay mo ay laan para sa Panginoon at ikaw ay tunay na
tapat sa kaniya. Ang iyong kagandahan ay tunay na kagandahan. Hindi lamang ito
sa panlabas na anyo, maging ang iyong kalooban ay totoong busilak. Ang iyong
katapatan sa Panginoon ay siya rin na tunay kong hinangaan. Ikaw ay kakaiba sa
lahat. Talagang sinsero ka sa kaniyang gawain. Ngunit nais kong tanggapin ang
katotohan, na hindi magtatagpo angating damdamin. At isa paang isang katulad ko
ay hindi babagay sa iyo. Ikaw ay dapat na mapunta sa isang maginoong lalaki na
kayang maibigay ang iyong mga pangangailangan at makapagpapaligaya sa iyo. Maaaring
mali ang aking kaisipan, o sadyang ganito lang talaga ako. Mahina ang loob,
walang lakas na iusal ang aking nararamdaman, natatakot na masaktan o ayaw lang
sigurong mabigo. Kaya nagdesisyon na lamang ako na ilihim sa iyo ang aking
nararamdaman. Gumagawa na lamang ako ng tula tungkol sa iyo na ako lamang ang
nakakaalam. Bawat text mo sa akin ay aking pinapahalagahan at talagang nakasave
pa sa aking cellphone. Kahit na ito ay pagtatanong lang o gm. Masaya na ako
doon kung alam mo lang. Ang magreply ka nga eh dobleng saya na. Ginagawa ko pa
kung minsan ay nag-iisip ako ng ibat ibang jokes at ipapadala ko sa iyo para
man lang mapansin mo. Pero wala pa din eh. Madalang lang talaga na ikaw ay
magreply o siguro hindi lang ako talaga mahalaga para paglaanan mo ng iyong
oras. Iniisip ko na lang na wala kang load. Hindi ako nagagalit kahit ganoon
ang mga eksena. Wala naman akong karapatan at sino ba naman ako. Ako’y isang
hamak lamang na palihim na humahanga at nagmamahal sa iyo. Pinili ko naman na
magmahal mag-isa eh. Sabi ko nga kahit anong maging kapalit nito ay ayos lang.
Hihintayin ko ang tamang panahon na ikaw ay idadalangin ko sa Panginoon. Kung
mukha lang ilalaban ko eh wla ako noon. Kung pera lang din naman, wala akong
marami pera. Kung pag-unawa at pagmamahal at katapatan, may laban naman ako
diyan. Pero alam ko na hindi mo tinitingnan ang panlabas na kaanyuan. Ipapanalangin
na lamang kita sa Diyos na sana ay magkaroon ka rin nang feelings na katulad sa
akin.
Ipagpatawad mo rin kung sa facebook mo ay lagi kong tinitingnan ang
iyong mga larawan. Minsan talagang laman ka ng wall ko. Madalas kang mag-post
ng mga nangyayari sa ito tungkol sa kabutihan ng Diyos sa buhay mo. Kahit puro
pictures mo ang lumabas sa wall ko wala akong reklamo. Hindi ko yata kayang
magsawa sa iyong mga larawan. Minsan siguro mapansin mo na lang sa notification
mo na may flood like at pangalan ko ang may dahilan. Nahiya ako bigla ng may
nagkwento sa akin na estudyante. Ang sabi niya sa akin. “Sir nakakainis yung
may gusto sa akin, puro flood like”. Naku po, nasabi ko na lang sa sarili ko.
Baka ganoon din ang nararamdaman mo sa tuwing may floood like ako sa iyo. Ikaw
naman kasi eh, pang-like at pang-share naman kasi talaga lahat ng mga post mo.
Hanggang isang araw, nakita ko ang isang post mo. May isang lalaki ka na
kasama at ikaw ay masaya. Nilike ko iyon, kahit alam ko na iyon ay iyong lalaki
na napupusuanaat handa mong paglaanan ng iyong pagmamahal. Unti-unti nagising
ang aking sarili sa pantasya na gawa ko. Ang nasabi ko na lang ganoon siguro
talaga ang buhay, ang bagal mo kasi, sabi ko sa sarili ko. Noong una, ayaw kong
maniwala. Pero siniyasat ko at nalaman ko na mukhang siya na talaga ang iyong
mamahalin. Kaya sa mga ngiti mo sa labi na nagpakita ng tunay na kasiyahan ay
handa akong tanggapin ang katotohanan. Na ang love story na sariling sikap na
ginawa ko ay walang magandang ending. Pinag-aralan ko kung paano ka kalimutan.
Sa una hindi madali, kasi nasanay ako na sa bawat gabi na aking pagtulog ay nababanggit
kita sa panalangin. Hanggang sa naging madalang na lang ito. Pero kahit na
ganoon ay pinilit ko na lagi ka pa rin na kasama sa aking mga dasal. Siguro
unti-unti kong ihuhubad sa puso ko ang pagmamahal na sinaplot ko para sa iyo.
Isang araw, nakita ko sa facebook na tila nagkakaroon kayo ng problema
ng iyong kasintahan. Natuwa ako at nalungkot. Natuwa ako,sabi ko mukhang may
pag-asa pa ako. Nalungkot ako kasi siguradong malulungkot ka sa pangyayari. Gusto ko sana na ikaw ay itext at kamustahin
pero hindi ko nagawa. Hindi ko alam kung naramdaman mo ang mga text messages ko
sa iyo tungkol sa ganyang bagay. Hindi siguro, kasi wala ka namang mga reply sa
mga iyon eh. Kaya ang ginawa ko nagtanongtanong ako at nalaman ko na mabuti na
ang inyong relasyon. Salamat naman ang sabi ko. Nalungkot ako pero ayos lang,
ang mahalaga ikaw ay masaya. Alam ko na pinanalangin mo siya. Sinulat ko lang
ito para sa aking sarili. Kung mabasa mo man ito ay maaaring wala na ang
nararamdaman ko sa iyo. Pero ikaw ay tunay na hinahangaan ko pa rin. Maaring
sabihin ng iba na ang tanga mo kasi hindi mo sinabi pero wala akong pakialam sa
kanila. Ang mahalaga naging masaya ako sa ginawa ko. Dalangin ko na lang ay
ikaw ay maging masaya at tunay na maging maligaya at kayo nawa ang maging para
sa isa’t isa.
