Dumating at Darating...

Ang buhay natin ay parang isang waiting shed. May mga tatambay na ibat-ibang tao. Ibat-iba ang pinagmulan, ibat-ibang ugali at karanasan. Sa buhay natin ay may mga tao na darating. Lahat ng tao na darating sa buhay natin ay may dahilan. Mga tao na maaring masaktan ka, lokohin ka, tulungan ka, mahalin ka, alagaan at mahalin ka. Ako ay naniniwalang lubos na lahat sila ay may kaakibat na tulong o impact sa buhay natin. Kung sinaktan ka man niya, atleast ready ka na sa mga sakit na darating pa sa iyo. Wag kang matakot na iwanan niya,siguradong may ipapalit na iba si Lord na much better na makakatulong sa iyo. Kung lokohin ka man niya, atleast hindi ikaw ang nanloko. Hindi rin naman dahilan at license yun para manloko ka din ng kapwa mo. Wala kayong pinagkaiba kung ganun. Hayaan mo mas matindi ang balik sa kanya. May mga tao na magiging kakampi, kasangga at mag-aalaga sa iyo, ibalik mo sa kanila ng doble ang ginagawa nila. Siguradong magiging matatag at mabiyaya ang inyong pagsasama.

Ang bawat pagdating ng tao sa ating buhay ay may pakinabang kahit na ikaw ay saktan at iwanan. Ang mahalaga ay alam mo ang bagay na iyon.

May darating sa iyong buhay na maaring bulabugin niya ang pananahimik ng iyong pusong natutulog o puso na binalot ng sakit ng kahapon. Maaring ang tao na ito ay unti-unti niyang kuhanin  ang iyong atensyon. Maari din naman na siya ang babaklas ng sakit, sama ng loob, kahirapan ng kalooban, kabigatan, pagdadalamhati at kalyo na kasingtigas na ng bato na bumabalot iyong puso. Kung dumating man sa buhay mo ang tao na ito ay mag-ingat ka pa rin, sa panahon natin  ngayon ay maraming kumakalat na fake at manggagaya. Pero wag kang matakot na sumubok at subukan siya. Para malaman mo lang. Hindi naman masamang sumubok. Atleast you try...

Ang problema lang naman kung minsan ay nakakalimutan natin humingi ng gabay kay Lord eh.